Miracle of Gobind Prema - 3

Bhai Kanhayia Ji, the Great Divine Lover of Sri Guru Gobind Singh Sahib, showers the Nectar of Love on all friends and foes alike because in his Divine Sight the whole world radiates out the Prema of Guru Gobind Singh.

As he sees his beloved Lord, Guru Gobind Singh in every one and everywhere his love envelops and embraces the whole humanity, the whole universe. It is universal in its folds and expression. That is what Prema, the Religion of Sri Guru Gobind Singh Sahib stands for. The Love of Jagat Guru, Sri Guru Gobind Singh Sahib and His beloved sikhs over-flows to the whole global community as one human race.

Manas Ki Jaat Sabhey Aikey Pechhanbo.

For a true lover of Sri Guru Gobind Singh Sahib, the whole universe looks Divine. He envisions Guru Gobind Singh immanent in all and the source of all Harmony.

How did Bhai Nand Lal and Bhai Kanhayia wake up in this Cosmic and Divine Consciousness? They were deeply devoted to their Ideal Sri Guru Gobind Singh Sahib. Total and True Love of Their Beloved Guru Gobind Singh elevated them into this Cosmic and Divine Consciousness.

Charged and filled with Gobind Prema, with this Gobind Love, Bhai Kanhayia and Bhai Nand Lal behold and see only Guru Gobind Singh in every one everywhere. They see Guru Gobind Singh in enemy as well as in friend. Guru Gobind Singh is the indwelling Divine Essence in everyone. He pervades the whole Universe. This Love-Force of the Lovers of Guru Gobind Singh overflows spontaneously to the whole human race.

This is the perception of Divine Love of a Divine Lover with the Beloved Lord - the Satguru as well as with His whole creation. This love envelops in one embrace the whole global community.

Really blessed were Bhai Kanhayia and Bhai Nand Lal who adored and worshipped their Beloved Sri Guru Gobind Singh Sahib, the son of the Great Sri Guru Tegh Bahadur Sahib as Supreme Reality pervading all existence, as the Soul of all souls and the Light of all eyes. To so behold and adore their Lord is their Supreme delight. They are certainly the best knowers of the Divine Essence.

Rooh Dar Har Jism Guru Gobind Singh
Noor Dar Har Chashm Guru Gobind Singh
Bhai Nand Lal
Guru Gobind Singh is Soul of all Souls in every Body.
Guru Gobind Singh is the light of all lights in every eye.”

This Religion of Love beholds everyone embodying the same divine essence. It beholds God in everyone and everywhere.

Sab Main Jot Jot Hai Soi
Sri Guru Granth Sahib page 663

God is Love and Love is God. When the Lord incarnates, He incarnates as Love. His personality is nothing but a Mass of Love. From Sri Guru Nanak Sahib this Love - Force overflows to cannibles, murderers, robbers, criminals, lepers and converts them into divinities.

Brahm Giani Ki Sab Ooper Maiya
Brahm Giani Te Kuchh Bura Na Bhaiya
Sri Guru Granth Sahib, page 272
“From a true Brahm Giani, Mercy (compassion) flows to all alike. No harm whatsoever can come from a Brahm Giani.”

ਗੋਬਿੰਦ ਪ੍ਰੇਮ ਦੀ ਲੀਲ੍ਹਾ - 3

ਗੁਰੂ ਗੋਬਿੰਦ ਸਿੰਘ ਸਾਹਿਬ ਜੀ ਦੇ ਰੂਹਾਨੀ ਆਸ਼ਕ ਭਾਈ ਘਨੱਈਆ ਜੀ ਨੇ, ਮਿੱਤਰਾਂ ਅਤੇ ਦੁਸ਼ਮਣਾ, ਸਭ ਉੱਪਰ ਪ੍ਰੇਮ ਦੇ ਅੰਮ੍ਰਿਤ ਦੀ ਵਰਖਾ ਕੀਤੀ ਸੀ। ਉਨ੍ਹਾਂ ਦੀਆਂ ਕਮਾਲ ਨਿਗਾਹਾਂ ਨੂੰ ਸਭ ਉੱਪਰ ਗੁਰੂ ਗੋਬਿੰਦ ਸਿੰਘ ਸਾਹਿਬ ਜੀ ਦੇ ਪ੍ਰੇਮ ਦੀਆਂ ਕਿਰਨਾਂ ਪੈ ਰਹੀਆਂ ਨਜ਼ਰ ਆਉਂਦੀਆਂ ਸਨ। ਭਾਈ ਘਨੱਈਆ ਜੀ ਨੂੰ ਘਟ ਘਟ ਵਿਚੋਂ ਗੁਰੂ ਗੋਬਿੰਦ ਸਿੰਘ ਸਾਹਿਬ ਜੀ ਦੇ ਦਰਸ਼ਨ ਹੁੰਦੇ ਸਨ। ਇਸ ਲਈ ਭਾਈ ਘਨੱਹੀਆ ਜੀ ਦਾ ਗੁਰੂ-ਪ੍ਰੇਮ ਸਾਰੀ ਲੋਕਾਈ ਨਾਲ ਪ੍ਰੇਮ ਕਰ ਰਿਹਾ ਸੀ। ਇਸ ਪ੍ਰੇਮ ਦਾ ਪ੍ਰਭਾਵ ਅਤੇ ਰਸ ਸਦੀਵੀ ਸੀ। ਜਗਤ ਗੁਰੂ, ਗੁਰੂ ਗੋਬਿੰਦ ਸਿੰਘ ਸਾਹਿਬ ਜੀ ਅਤੇ ਉਨ੍ਹਾਂ ਦੇ ਸਿੱਖਾਂ ਦਾ ਗੁਰੂ-ਪ੍ਰੇਮ ਸਾਰੀ ਦੁਨੀਆਂ ਵਾਸਤੇ ਇੱਕ ਹੀ ਭਾਈਚਾਰੇ ਵਜੋਂ ਵਹਿ ਰਿਹਾ ਸੀ।

ਮਾਨਸ ਕੀ ਜਾਤ ਸਬੈ ਏਕੈ ਪਹਚਾਨਬੋ॥
ਗੁਰੂ ਗੋਬਿੰਦ ਸਿੰਘ ਸਾਹਿਬ

ਗੁਰੂ ਗੋਬਿੰਦ ਸਿੰਘ ਸਾਹਿਬ ਦੇ ਸੱਚੇ ਸਿੱਖਾਂ ਨੂੰ ਸਾਰੀ ਸ੍ਰਿਸ਼ਟੀ ਪ੍ਰਭੂ ਦਾ ਰੂਪ ਨਜ਼ਰ ਆਉਂਦੀ ਹੈ। ਉਹ ਕਣ-ਕਣ ਵਿੱਚੋਂ ਗੁਰੂ ਗੋਬਿੰਦ ਸਿੰਘ ਸਾਹਿਬ ਦੇ ਦਰਸ਼ਨ ਕਰਦੇ ਹਨ।

ਭਾਈ ਨੰਦ ਲਾਲ ਜੀ ਅਤੇ ਭਾਈ ਘਨੱਈਆ ਜੀ ਅੰਦਰ ਦਿੱਬ-ਦ੍ਰਿਸ਼ਟੀ ਅਤੇ ਸਰਬਤ ਦੇ ਭਲੇ ਦੀ ਬਿਰਤੀ ਕਿਵੇਂ ਪੈਂਦਾ ਹੋਈ? ਇਸ ਕਰਕੇ ਕਿ ਗੁਰੂ-ਪ੍ਰੇਮ ਵਿੱਚ ਰੰਗੀਆ ਰੂਹਾਂ ਪਰਮ ਪੁਰਖ ਗੁਰੂ ਗੋਬਿੰਦ ਸਿੰਘ ਸਾਹਿਬ ਦੇ ਚਰਨਾਂ ਨਾਲ ਜੁੜੀਆਂ ਹੋਈਆਂ ਸਨ। ਪਰਮ ਪਿਆਰੇ ਸਤਿਗੁਰੂ, ਗੁਰੂ ਗੋਬਿੰਦ ਸਿੰਘ ਸਾਹਿਬ ਜੀ ਪ੍ਰਤੀ ਅਥਾਹ ਨਿਸ਼ਚੇ ਅਤੇ ਪਿਆਰ ਨੇ ਉਨ੍ਹਾਂ ਦੇ ਪਾਕ ਹਿਰਦਿਆਂ ਅੰਦਰ ਦਿੱਬ-ਦ੍ਰਿਸ਼ਟੀ ਅਤੇ ਸਰਬੱਤ ਦੇ ਭਲੇ ਦੀਆਂ ਭਾਵਨਾਵਾਂ ਨੂੰ ਜਾਗ੍ਰਤ ਕੀਤਾ ਹੋਇਆ ਸੀ।

ਜਗਤ ਗੁਰੂ, ਗੁਰੂ ਗੋਬਿੰਦ ਸਿੰਘ ਸਾਹਿਬ ਆਪਣੇ ਰੱਬੀ ਪ੍ਰੇਮੀਆਂ ਨੂੰ ਭਿੰਨ ਭਿੰਨ ਰੂਪਾਂ ਵਿੱਚ ਇੱਕ ਅਕਾਲ ਪੁਰਖ ਦੀ ਜੋਤ ਵੇਖਣ ਲਈ ਸਮਦ੍ਰਿਸ਼ਟੀ ਦੀ ਦਾਤ ਬਖਸ਼ਦੇ ਹਨ। ਗੁਰੂ ਗੋਬਿੰਦ ਸਿੰਘ ਸਾਹਿਬ ਦਿੱਬ-ਦ੍ਰਿਸ਼ਟੀ ਤੇ ਸਰਬੱਤ ਦੇ ਭਲੇ ਦਾ ਅਟੱਲ ਤੇ ਅਖੰਡ ਸਿਧਾਂਤ ਦੀ ਸਿਰਜਣਾ ਕਰਦੇ ਹਨ।

ਗੋਬਿੰਦ-ਪ੍ਰ੍ਰੇਮ ਵਿੱਚ ਰੰਗੇ ਹੋਏ ਭਾਈ ਨੰਦ ਲਾਲ ਜੀ ਅਤੇ ਭਾਈ ਘਨੱਈਆ ਜੀ ਨੂੰ ਕਣ-ਕਣ ਵਿੱਚੋਂ ਗੁਰੂ ਗੋਬਿੰਦ ਸਿੰਘ ਸਾਹਿਬ ਦੇ ਹੀ ਦਰਸ਼ਨ ਹੋ ਰਹੇ ਸਨ। ਉਨ੍ਹਾਂ ਨੂੰ ਮਿਤਰਾਂ ਅਤੇ ਦੁਸ਼ਮਣਾਂ ਵਿੱਚੋਂ ਵੀ ਗੁਰੂ ਗੋਬਿੰਦ ਸਿੰਘ ਜੀ ਦੀ ਰੱਬੀ ਜੋਤ ਵਿਖਾਈ ਦਿੰਦੀ ਸੀ। ਗੁਰੂ ਗੋਬਿੰਦ ਸਿੰਘ ਸਾਹਿਬ ਘਟ ਘਟ ਵਿੱਚ ਬਿਰਾਜ ਰਹੇ ਹਨ। ਆਪ ਸਾਰੇ ਬਹ੍ਰਿਮੰਡ ਵਿੱਚ ਵਿਆਪਕ ਤੇ ਹਾਜ਼ਰ ਨਾਜ਼ਰ ਹਨ। ਗੁਰੂ ਗੋਬਿੰਦ ਸਿੰਘ ਸਾਹਿਬ ਦੇ ਪ੍ਰੇਮੀਆਂ ਦੀ ਇਹ ਪ੍ਰੇਮ ਸ਼ਕਤੀ error(:ਰਡਕ -ਰਗਫਕ) ਸਾਰੀ ਮਾਨਵ ਜਾਤੀ ਲਈ ਸਹਿਜ ਸੁਭਾ ਵਹਿ ਰਹੀ ਹੈ।
ਇਹ ਦੈਵੀ ਪ੍ਰੇਮੀ ਦੇ ਪ੍ਰਭੂ ਪ੍ਰੀਤਮ ਨਾਲ ਦੈਵੀ ਪ੍ਰੇਮ ਹੋਣ ਦੀ ਪਹਿਚਾਣ ਹੈ। ਇਹ ਉਸ ਮਾਲਕ ਦੀ ਕਾਇਨਾਤ ਨਾਲ ਪ੍ਰੇਮ ਹੋਣ ਦੀ ਨਿਸ਼ਾਨੀ ਹੈ। ਇਹੋ ਪ੍ਰੇਮ ਸਾਰੀ ਕਾਇਨਾਤ ਨੂੰ ਆਪਣੀ ਪ੍ਰੇਮ ਗਲਵਕੜੀ ਵਿੱਚ ਲੈ ਰਿਹਾ ਹੈ।
ਭਾਈ ਨੰਦ ਲਾਲ ਜੀ ਅਤੇ ਭਾਈ ਘਨੱਈਆ ਜੀ ਸਹੀ ਅਰਥਾਂ ਵਿੱਚ ਅਕਾਲ-ਪੁਰਖ ਦੀ ਕਿਰਪਾ ਦੇ ਮਹਾਨ ਪਾਤਰ ਸਨ। ਉਨ੍ਹਾਂ ਨੇ ਕਣ-ਕਣ ਵਿੱਚ ਪਸਰ ਰਹੇ, ਪਰਮ ਸਤਿ ਸਰੂਪ, ਆਤਮਾਵਾਂ ਦੀ ਆਤਮਾ ਅਤੇ ਲੱਖਾਂ ਲੋਕਾਂ ਦੇ ਨੇਤਰਾਂ ਦੀ ਜੋਤ, ਮਹਾਨ ਗੁਰੂ ਤੇਗ ਬਹਾਦਰ ਸਾਹਿਬ ਜੀ ਦੇ ਸਪੁੱਤਰ - ਗੁਰੂ ਗੋਬਿੰਦ ਸਿੰਘ ਸਾਹਿਬ ਜੀ ਦੇ ਪ੍ਰਤੱਖ ਦਰਸ਼ਨ ਦੀਦਾਰ ਅਤੇ ਅਰਾਧਨਾ ਕੀਤੀ ਸੀ। ਗੁਰੂ ਸਾਹਿਬ ਦੇ ਦਰਸ਼ਨ ਦੀਦਾਰ ਅਤੇ ਅਰਾਧਨਾ ਹੀ ਉਨ੍ਹਾਂ ਦੀ ਜ਼ਿੰਦਗੀ ਦੀ ਸਭ ਤੋਂ ਵੱਡੀ ਖੁਸ਼ੀ ਸੀ।
ਰੂਹ ਦਰ ਹਰ ਜਿਸਮ ਗੁਰੁ ਗੋਬਿੰਦ ਸਿੰਘ॥
ਨੂਰ ਦਰ ਹਰ ਚਸ਼ਮ ਗੁਰੁ ਗੋਬਿੰਦ ਸਿੰਘ॥
ਭਾਈ ਨੰਦ ਲਾਲ ਜੀ
ਗੁਰੂ ਗੋਬਿੰਦ ਸਿੰਘ ਸਾਹਿਬ ਹਰੇਕ ਜਿਸਮ ਦੀ ਰੂਹ ਹਨ। ਗੁਰੂ ਗੋਬਿੰਦ ਸਿੰਘ ਸਾਹਿਬ ਸਭ ਦੇ ਨੇਤਰਾਂ ਦੀ ਜੋਤ ਹਨ।

ਪ੍ਰੇਮ ਦੇ ਇਸ ਧਰਮ ਅਨੁਸਾਰ ਸਭ ਵਿੱਚ ਇੱਕੋ ਜੋਤ ਪਸਰ ਰਹੀ ਹੈ। ਇਸ ਪ੍ਰੇਮ-ਧਰਮ ਵਿੱਚ ਹਰ ਇੱਕ ਪ੍ਰਾਣੀ ਅਤੇ ਹਰੇਕ ਵਸਤੂ ਵਿੱਚ ਰੱਬੀ ਹੋਂਦ ਦਾ ਅਨੁਭਵ ਹੁੰਦਾ ਹੈ।

ਸਭ ਮਹਿ ਜੋਤਿ ਜੋਤਿ ਹੈ ਸੋਇ॥

ਪਰਮਾਤਮਾ ਪ੍ਰੇਮ ਹੈ, ਪ੍ਰੇਮ ਹੀ ਪਰਮਾਤਮਾ ਹੈ। ਪਰਮਾਤਮਾ ਪ੍ਰੇਮ ਦਾ ਹੀ ਰੂਪ ਧਾਰ ਕੇ ਆਉਂਦਾ ਹੈ। ਉਹ ਪ੍ਰੇਮ ਦਾ ਮੁਜੱਸਮਾ ਹੈ। ਇਹੋ ਪ੍ਰੇਮ-ਸ਼ਕਤੀ ਗੁਰੂ ਨਾਨਕ ਸਾਹਿਬ ਜੀ ਦੇ ਸਮੇਂ ਤੋਂ ਆਦਮਖੋਰਾਂ, ਕਾਤਲਾਂ, ਡਾਕੂਆਂ, ਧਾੜਵੀਆਂ ਅਤੇ ਗੁਨਾਹਗਾਰਾਂ ਨੂੰ ਧਰਮੀ ਮਨੁੱਖ ਬਣਾ ਰਹੀ ਹੈ।

ਬ੍ਰਹਮ ਗਿਆਨੀ ਕੀ ਸਭ ਊਪਰਿ ਮਇਆ॥
ਬ੍ਰਹਮ ਗਿਆਨੀ ਤੇ ਕਛੁ ਬੁਰਾ ਨ ਭਇਆ॥
ਬ੍ਰਹਮ ਗਿਆਨੀ ਸਭ ਉੱਪਰ ਮਿਹਰਾਂ ਦੀ ਵਰਖਾ ਕਰਦਾ ਹੈ। ਬ੍ਰਹਮ ਗਿਆਨੀ ਤੋ ਕਿਸੇ ਦਾ ਬੁਰਾ ਹੋ ਹੀ ਨਹੀਂ ਸਕਦਾ।
ਸੱਚਾ ਸਿੱਖ ਗੁਰੂ ਦੀ ਤਨ ਮਨ ਧਨ ਨਾਲ ਸੇਵਾ ਕਰਦਾ ਹੈ। ਅਜਿਹਾ ਸਿੱਖ ਹੀ ਸ਼ੁੱਧ ਅਤੇ ਡੂੰਘੇ ਪ੍ਰੇਮ ਦਖੀ ਅਵੱਸਥਾ ਵਿੱਚ ਹੋਣ ਕਰਕੇ ਜਾਗ ਰਿਹਾ ਹੁੰਦਾ ਹੈ। ਉਸ ਦੀ ਆਪਣੀ ਅਲਹਿਦਾ ਹੋਂਦ ਅਤੇ ਪਹਿਚਾਣ ਨਹੀਂ ਹੁੰਦੀ। ਗੁਰੂ - ਪ੍ਰੇਮ ਦੀ ਇਸ ਰੂਹਾਨੀ ਅਵੱਸਥਾ ਵਿੱਚ ਉਸ ਨੂੰ ਸਾਰੇ ਸੰਸਾਰ ਦਾ ਰਾਜ ਭਾਵ ਵੀ ਤੁੱਛ ਵਸਤੂ ਲੱਗਣ ਲੱਗ ਪੈਂਦਾ ਹੈ। ਇਸ ਵੱਡਭਾਗੀ ਅਵੱਸਥਾ ਵਿੱਚ ਸਤਿਗੁਰੂ ਜੀ ਲਈ ਸ਼ੁੱਧ ਅਤੇ ਨਿਸ਼ਕਾਮ ਪ੍ਰੇਮ ਤੋਂ ਬਗੈਰ ਕੋਈ ਵੀ ਇੱਛਾ ਨਹੀਂ ਰਹਿੰਦੀ। ਉਸ ਦੇ ਸ਼ੁੱਧ ਪ੍ਰੇਮ ਵਿੱਚ ਕੋਈ ਅਸ਼ੁੱਧਤਾ ਨੇੜੇ ਨਹੀਂ ਢੁੱਕਦੀ। ਪਰਮਾਤਮਾ ਦੇ ਸੱਚੇ ਸੇਵਕ ਅਤੇ ਸੱਚੇ ਸਿੱਖ ਦੀ ਰੂਹਾਨੀ ਅਵੱਸਥਾ ਏਨੀ ਕਮਾਲ ਦੀ ਨਿਰਾਲੀ ਅਤੇ ਅਨੰਦਮਈ ਹੁੰਦੀ ਹੈ। ਇਹ ਪ੍ਰਭੂ ਭਗਤਾਂ ਦੇ ਰੂਹਾਨੀ ਪ੍ਰੇਮ ਵਿੱਚ ਪੂਰੀ ਤਰ੍ਹਾਂ ਰੰਗੇ ਹੋਣ ਦੀ ਰੂਹਾਨੀ ਅਵੱਸਥਾ ਹੈ। ਅਜਿਹੇ ਸਿੱਖਾਂ ਦਾ ਹਿਰਦਾ ਗੁਰੂ-ਪ੍ਰੇਮ ਵਿੱਚ ਪੂਰੀ ਤਰ੍ਹਾਂ ਜਗ ਮਗਾ ਰਿਹਾ ਹੁੰਦਾ ਹੈ;
ਸਾਚੀ ਪ੍ਰੀਤਿ ਨ ਤੁਟਈ ਪਿਆਰੇ,
ਜੁਗੁ ਜੁਗੁ ਰਹੀ ਸਮਾਇ॥

ਸ੍ਰੀ ਗੁਰੂ ਅਰਜਨ ਸਾਹਿਬ ਫੁਰਮਾਉਂਦੇ ਹਨ;

ਸੱਚੇ ਪ੍ਰੇਮ ਦੀ ਕੋਈ ਸੀਮਾ ਨਹੀਂ ਹੁੰਦੀ।
ਇਹ ਜੁੱਗਾਂ ਜੁਗਾਂਤਰਾਂ ਤੱਕ ਸਥਿਰ ਰਹਿੰਦਾ ਹੈ।

ਰੂਹਾਨੀ ਪ੍ਰੇਮ ਜਾਂ ਸ਼ੁੱਧ ਪ੍ਰੇਮ ਮਨ ਦੀ ਕੋਈ ਥੋੜ੍ਹਾ ਚਿਰ ਅਵੱਸਥਾ ਨਹੀਂ ਹੁੰਦੀ ਅਤੇ ਨਾ ਹੀ ਇਹ ਕੋਈ ਵਕਤੀ - ਨਜ਼ਾਰਾ ਹੁੰਦਾ ਹੈ। ਇਹ ਪ੍ਰੇਮ-ਰਸ ਤਾਂ ਰੂਹ ਦੀ ਅਨੰਦਮਈ ਅਵੱਸਥਾ ਦਾ ਨਿਰੰਤਰ ਪ੍ਰਵਾਹ ਹੈ। ਇਹ ਆਤਮਾ ਦਾ ਸਦੀਵੀ ਹੁਲਾਸ ਹੈ, ਇਹ ਪ੍ਰੇਮ ਪੀਂਘ ਜੁੱਗਾਂ ਜੁਗਾਂਤਰਾਂ ਤੱਕ ਚਲਦੀ ਰਹਿੰਦੀ ਹੈ।

ਅੰਮ੍ਰਿਤਾ ਪ੍ਰਿਅ ਬਚਨ ਤੁਹਾਰੇ॥
ਅਤਿ ਸੁੰਦਰ ਮਨਮੋਹਨ ਪਿਆਰੇ, ਸਭਹੂ ਮਧਿ ਨਿਰਾਰੇ ॥੧॥ ਰਹਾਉ ॥
ਰਾਜੁ ਨ ਚਾਹਉ, ਮੁਕਤਿ ਨ ਚਾਹਉ, ਮਨਿ ਪ੍ਰੀਤਿ ਚਰਨ ਕਮਲਾਰੇ ॥

ਸ੍ਰੀ ਗੁਰੂ ਅਰਜਨ ਸਾਹਿਬ ਫੁਰਮਾਉਂਦੇ ਹਨ:

ਮੇਰੇ ਪਿਆਰੇ ਪ੍ਰਭੂ ਜੀ ਦੇ ਬਚਨ ਅੰਮ੍ਰਿਤ ਭਰਪੂਰ ਹਨ।

ਹੇ ਮੇਰੇ ਪਿਆਰੇ ਪ੍ਰਭੂ ਜੀ ! ਤੁਸੀਂ ਅਤਿ ਮਨ ਮੋਹਣੇ, ਪਿਆਰੇ ਅਤੇ ਸਭ ਤੋਂ ਸੋਹਣੇ ਹੋ। ਤੁਸੀਂ ਘਟ ਘਟ ਵਿੱਚ ਨਿਰਾਲੇ ਢੰਗ ਨਾਲ ਵਸ ਰਹੇ ਹੋ।

ਤੇਰੇ ਸੱਚੇ ਪ੍ਰੇਮੀ ਨੂੰ ਰਾਜ ਅਤੇ ਸ਼ਕਤੀ ਦੀ ਜ਼ਰਾ ਵੀ ਕਸ਼ਿਸ਼ ਨਹੀਂ, ਕੋਈ ਇੱਛਾ ਨਹੀਂ। ਤੇਰਾ ਸੱਚਾ ਆਸ਼ਕ ਤੇਰੇ ਸੱਚੇ ਪ੍ਰੇਮ ਵਿੱਚ ਰੰਗਿਆ ਹੋਇਆ ਤੇਰੇ ਚਰਨ ਕਮਲਾਂ ਨਾਲ ਹਰ ਵੇਲੇ ਹੀ ਲਿਪਟਿਆ ਰਹਿੰਦਾ ਹੈ।

ਸਿੱਖ ਲਈ ਤਾਂ ਸਤਿਗੁਰੂ ਜੀ ਦਾ ਪ੍ਰੇਮ ਹੀ ਸਭ ਤੋਂ ਅਮੋਲਕ ਇੱਛਾ ਹੈ। ਪ੍ਰੇਮ ਵਿੱਚ ਰੰਗੇ ਹੋਏ ਸੱਚੇ ਪ੍ਰੇਮੀ ਨੂੰ ਦੁਨਿਆਵੀ ਰਾਜ ਦੇ ਲੁਭਾਉਣੇ ਲਾਲਚਾਂ ਅਤੇ ਮੁਕਤੀ ਦੀ ਵੀ ਪਰਵਾਹ ਨਹੀਂ ਹੁੰਦੀ। ਸਿੱਖ ਵਾਸਤੇ ਤਾਂ ਆਪਣੇ ਪਿਆਰੇ ਸਤਿਗੁਰੂ ਜੀ ਦੇ ਝਲਕ ਮਾਤਰ ਦਰਸ਼ਨ ਹੀ ਚਾਰ ਪਦਾਰਥਾਂ - ਧਰਮ, ਅਰਥ, ਕਾਮ ਤੇ ਮੋਖ ਦੇ ਸੁੱਖਾਂ ਤੋਂ ਵਧੇਰੇ ਦੁਰਲੱਭ ਹਨ। ਸਿੱਖ ਵਾਸਤੇ ਪ੍ਰੇਮ ਹੀ ਜੀਵਨ ਦਾ ਆਧਾਰ ਹੈ, ਪ੍ਰੇਮੀ ਹੀ ਵਰਨ ਹੈ, ਪ੍ਰੇਮ ਹੀ ਆਸ਼ਰਮ ਅਤੇ ਪ੍ਰੇਮ ਹੀ ਜੀਵਨ ਦਾ ਉਦੇਸ਼ ਹੈ। ਸਿੱਖ ਦੀ ਪਰਮ ਇੱਛਾ ਇਹੋ ਹੁੰਦੀ ਹੈ ਕਿ ਉਹ ਸਦੀਵੀ ਤੌਰ ਤੇ ਆਪਣੇ ਗੁਰੂ ਦੇ ਚਰਨ ਕਮਲਾਂ ਵਿੱਚ ਸਮਾ ਜਾਵੇ। ਦੈਵੀ ਪ੍ਰੇਮ ਦਾ ਅਨੰਦ ਵਕਤੀ ਨਹੀਂ ਹੁੰਦਾ, ਇਹ ਪ੍ਰੇਮ ਘੱਟਦਾ ਵੱਧਦਾ ਨਹੀਂ। ਵੱਡਭਾਗੀ ਰੂਹਾਂ ਇਸ ਅਨੰਦਮਈ ਅਵੱਸਥਾ ਵਿੱਚ ਜੁੱਗਾਂ-ਜੁਗਾਂਤਰਾਂ ਤੱਕ ਲੀਨ ਰਹਿੰਦੀਆਂ ਹਨ। ਇਹ ਰਸ ਨਿਰੰਤਰ ਵਹਿੰਦਾ ਹੈ। ਇਸ ਵਿੱਚ ਤੋਟ ਨਹੀਂ ਆਉਂਦੀ।
ਪਿਆਰੇ ਗੁਰੂ ਪ੍ਰਮੇਸ਼ਰ ਦੇ ਸੱਚੇ ਸਿੱਖ ਅਤੇ ਉਸਦੇ ਸੱਚੇ ਆਸ਼ਕ ਦਾ ਇੱਕੋ ਇੱਕ ਪਦਾਰਥ ਹੈ, ਉਹ ਹੈ ਪ੍ਰੇਮ।
ਉਸਦਾ ਇੱਕੋ ਇੱਕ ਵਰਨ ਹੈ, ਉਹ ਹੈ ਪ੍ਰੇਮ।
ਉਸ ਦਾ ਇੱਕੋ ਇੱਕ ਆਸ਼ਰਮ ਹੈ, ਉਹ ਹੈ ਪ੍ਰੇਮ।
ਉਸ ਦਾ ਇੱਕੋ ਇੱਕ ਧਰਮ ਹੈ, ਉਹ ਹੈ ਪ੍ਰੇਮ।
ਉਸ ਦੀ ਇੱਕੋ ਇੱਕ ਬੋਲੀ ਹੈ, ਉਹ ਹੈ ਪ੍ਰੇਮ।
ਉਸ ਦਾ ਇੱਕੋ ਇੱਕ ਨਸ਼ਾ ਹੈ, ਉਹ ਹੈ ਪ੍ਰੇਮ।
ਉਸ ਦੀ ਇੱਕੋ ਇੱਕ ਜ਼ਿੰਦਗੀ ਹੈ, ਉਹ ਹੈ ਪ੍ਰੇਮ।
ਉਸ ਦਾ ਇੱਕੋ ਇੱਕ ਜ਼ਹੂਰ ਹੈ, ਉਹ ਹੈ ਪ੍ਰੇਮ।
ਉਸ ਦਾ ਇੱਕੋ ਇੱਕ ਸੁਭਾਉ ਹੈ, ਉਹ ਹੈ ਪ੍ਰੇਮ।
ਉਸ ਦੀ ਇੱਕੋ ਇੱਕ ਮੌਤ ਹੈ,
ਉਹ ਹੈ ਗੁਰੂ ਦੇ ਚਰਨਾਂ ਵਿੱਚ ਪ੍ਰੇਮ ਭਰੀ ਸ਼ਹਾਦਤ।

ਸੱਚਾ ਸਿੱਖ ਪ੍ਰੇਮਾ - ਭਗਤੀ ਦੇ ਸਾਗਰ ਵਿੱਚ ਸਦਾ ਹੀ ਤਾਰੀਆਂ ਲਾਉਂਦਾ ਰਹਿੰਦਾ ਹੈ। ਉਸ ਦਾ ਹਿਰਦਾ ਗੁਰੂ ਪ੍ਰ੍ਰੇਮ ਤੇ ਗੁਰੂ - ਭਗਤੀ ਨਾਲ ਪਵਿੱਤਰ ਹੋ ਚੁੱਕਾ ਹੁੰਦਾ ਹੈ। ਆਪਣੀ ਰਸਨਾ ਨਾਲ ਗੁਰੂ ਦਾ ਨਾਮ ਜਪਣ ਤੇ ਕਮਾਈ ਕਰਨ ਕਰਕੇ ਉਹ ਇਸ ਅਮੋਲਕ ਪ੍ਰੇਮ-ਰਸ ਵਿੱਚ ਲੀਨ ਰਹਿੰਦਾ ਹੈ। ਉਹ ਆਪਣੇ ਗੁਰੂ ਦੀ ਨਿਰੰਕਾਰੀ ਸੂਰਤ ਦੇ ਦਰਸ਼ਨ ਕਰਕੇ ਆਪਣੇ ਨੇਤਰਾਂ ਰਾਹੀਂ ਪ੍ਰੇਮ-ਰਸ ਚੱਖਦਾ ਹੈ। ਇਸ ਅਵੱਸਥਾ ਵਿੱਚ ਉਸ ਨੂੰ ਸਭ ਵਸਤਾਂ ਵਿੱਚੋਂ ਮਿਠੇ ਨਾਮ ਦੀ ਧੁਨੀ ਹੀ ਸੁਣਾਈ ਦਿੰਦੀ ਹੈ। ਉਸ ਦਾ ਹਿਰਦਾ ਗੁਰੂ ਦੀ ਭਗਤੀ ਅਤੇ ਸਿਮਰਨ ਵਿੱਚ ਲੀਨ ਰਹਿੰਦਾ ਹੈ। ਗੁਰੂ ਭਗਤੀ ਵਿੱਚ ਰਹਿਣ ਕਾਰਨ ਉਸ ਨੂੰ ਸਭ ਪਾਸੇ ਗੁਰੂ ਦੇ ਹੀ ਦਰਸ਼ਨ ਹੁੰਦੇ ਹਨ। ਉਸ ਨੂੰ ਸਾਰੇ ਬ੍ਰਹਿਮੰਡ ਵਿੱਚ ਗਰੂ ਹੀ ਨਜ਼ਰ ਆ ਰਿਹਾ ਹੁੰਦਾ ਹੈ। ਭਗਤ ਨਾਮ ਦੇਵ ਨੂੰ ਇਸ ਰੂਹਾਨੀ ਅਵੱਸਥਾ ਵਿੱਚ ਸਾਰੀ ਸ੍ਰਿਸ਼ਟੀ ਵਿੱਚੋਂ ਗੋਬਿੰਦ ਦੇ ਦਰਸ਼ਨ ਹੁੰਦੇ ਹਨ। ਇਸੇ ਰੂਹਾਨੀ ਅਵੱਸਥਾ ਵਿੱਚ ਭਾਈ ਘਨੱਈਆ ਜੀ ਤੇ ਭਾਈ ਨੰਦ ਲਾਲ ਜੀ ਨੂੰ ਸਭ ਵਿੱਚੋਂ ਗੁਰੂ ਗੋਬਿੰਦ ਸਿੰਘ ਜੀ ਦੇ ਦਰਸ਼ਨ ਹੁੰਦੇ ਸਨ।

ਸਭੁ ਗੋਬਿੰਦੁ ਹੈ ਸਭੁ ਗੋਬਿੰਦੁ ਹੈ ਗੋਬਿੰਦ ਬਿਨੁ ਨਹੀਂ ਕੋਈ॥
ਗੁਰੁ ਦਾਤਾ ਸਮਰਥੁ ਗੁਰੁ ਗੁਰੁ ਸਭ ਮਹਿ ਰਹਿਆ ਸਮਾਇ॥
ਗੁਰੁ ਪਰਮੇਸਰੁ ਪਾਰਬ੍ਰਹਮੁ ਗੁਰੁ ਡੁਬਦਾ ਲਏ ਤਰਾਇ॥

ਗੁਰੂ ਮਹਾਨ ਦਾਤਾ ਹੈ। ਉਹ ਪਰਮ ਪੁਰਖ ਸਭ ਵਿੱਚ ਵਿਆਪ ਰਿਹਾ ਹੈ। ਗੁਰੂ ਆਤਮਾ ਦੀ ਆਤਮਾ ਹੈ, ਗੁਰੂ ਜੋਤ ਹੈ, ਗੁਰੂ ਘਟ ਘਟ ਵਿੱਚ ਵਸ ਰਿਹਾ ਹੈ। ਗੁਰੂ ਪਰਮ ਪੁਰਖ ਅਤੇ ਸਰਬ ਗਿਆਤਾ ਹੈ। ਗੁਰੂ ਪਾਰਬ੍ਰਹਮ ਤੇ ਪਰਵਰਦਗਾਰ ਹੈ। ਉਹ ਡੁੱਬਦੀਆਂ ਰੂਹਾਂ ਨੂੰ ਬਚਾਉਂਦਾ ਹੈ।

ਸਤਿਗੁਰੁ ਮੇਰਾ ਸਦਾ ਸਦਾ ਨਾ ਆਵੈ ਨ ਜਾਇ॥
ਓਹੁ ਅਬਿਨਾਸੀ ਪੁਰਖੁ ਹੈ ਸਭ ਮਹਿ ਰਹਿਆ ਸਮਾਇ॥

ਗੁਰੂ ਗੋਬਿੰਦ ਸਿੰਘ ਸਾਹਿਬ ਸਾਰੇ ਬ੍ਰਹਿਮੰਡ ਵਿੱਚ ਵਿਆਪਕ ਹਨ। ਭਾਈ ਨੰਦ ਲਾਲ ਜੀ ਦੇ ਭਾਈ ਘਨੱਈਆ ਜੀ ਨੂੰ ਹਰ ਪਾਸੇ ਗੁਰੂ ਗੋਬਿੰਦ ਸਿੰਘ ਜੀ ਦੇ ਦਰਸ਼ਨ ਹੁੰਦੇ ਸਨ।

ਨੋਟ:- ਸਾਧ ਸੰਗਤ ਜੀ, ਮੇਰੇ ਪਿਆਰੇ ਸਤਿਗੁਰੂ, ਸ੍ਰੀ ਗੁਰੂ ਗੋਬਿੰਦ ਸਿੰਘ ਸਾਹਿਬ ਜੀ ਪ੍ਰੇਮ ਹੀ ਪ੍ਰੇਮ ਹਨ। ਮੇਰੇ ਸਤਿਗੁਰੂ ਆਪ ਹੀ ਉਹ ਪਰਮ ਪੁਰਖ ਤੇ ਅਬਿਨਾਸੀ ਪੁਰਖ ਪਾਰਬ੍ਰਹਮ ਹਨ, ਜਿਹੜੇ ਸਭ ਦੇ ਵਿੱਚ ਸਮਾਏ ਹੋਏ ਹਨ। ਜਿਨ੍ਹਾਂ ਦੇ ਮੇਰੇ ਪੂਜਯ ਭਾਈ ਨੰਦ ਲਾਲ ਜੀ ਅਤੇ ਭਾਈ ਘਨੱਈਆ ਜੀ ਨੂੰ ਹਰੇਕ ਵਿੱਚ ਅਤੇ ਹਰ ਜਗ੍ਹਾ ਦਰਸ਼ਨ ਹੋ ਰਹੇ ਹਨ।
ਧੰਨ ਗੁਰੂ ਗੋਬਿੰਦ ਸਿੰਘ ਸਾਹਿਬ।
ਧੰਨ ਗੁਰੂ ਗੋਬਿੰਦ ਸਿੰਘ ਸਾਹਿਬ।
ਧੰਨ ਗੁਰੂ ਗੋਬਿੰਦ ਸਿੰਘ ਸਾਹਿਬ।

Site Updates in your Inbox

The mission's privacy policy.

We respect your privacy. We do not use any third party services for ads or other purposes whatsoever.

Thank you for the Subscription ...